دافعت الفنانة نشوى مصطفى، عن الفنان محمد رمضان، عقب الهجوم الذى شنه البعض عليه، على خلفية نشره عبر حسابه على "فيس بوك" لصورة لسيارتين فارهتين، أعلن عن شرائهما، ومشاركة جمهوره بأخباره السعيدة.

وكتبت مصطفى عبر حسابها على "فيس بوك"، :" من أربع سنين اشتغلت مع محمد رمضان مسلسل اسمه الشركة وصادفت قعدنا سوا فى البريك، وكان الحوار بينا وماحدش يضحك أو يتريق أو يستخف دمه على تفسير سورة العصر، محمد كان بيشرح لى تفسير سورة العصر إن الإنسان خاسر طالما مش حيلتزم بشروط عدم الخسارة وهى "الإيمان زائد عمل الخير زائد الحكم بالحق والعدل زائد الصبر"".

وأضافت نشوى: " كلامى فيه دلالة على نفسية محمد رمضان أد أيه قربه من ربه -- واعتقد اللى وصل له محمد مش بس شطارة ومش بس اجتهاد.. لأ اللى وصل له ده قرار إلهى، ليه بأقول كده لان الهرى واصل للمدى على موضوع العربيتين اللي اشتراهم -- يا أسيادنا دى عطايا ربنا والله العظيم .. والعطايا ظاهرها رضا ومحبة وباطنها اختبار.. وأنا واثقة إن محمد حينجح فى الاختبار لأنى أظن إنه ممن قال فيهم الله "إلا الذين آمنوا وعملوا الصالحات وتواصو بالحق وتواصو بالصبر".